fbpx
Category Archive

Blogs

வால்மார்ட்டின் வெற்றிக் கதை | The success story of Walmart
success story of walmart
  • June 23, 2022

வால்மார்ட் (Wal Mart) என்பது அமெரிக்காவின் மிகப்பெரிய பல்பொருள் அங்காடிகளில் ஒன்றாகும். இந்நிறுவனத்தை 1962ஆம் ஆண்டு திரு. சாம் வால்டன் (Mr. Sam Walton) 

Read More

செலவினங்களில் கண் வையுங்கள்! | Keep an eye on your expenses
keep an eye on your expenses
  • June 17, 2022

ஒரு பள்ளிக்கூடத்தின் ஆண்டு விழாவிற்கு சிறப்பு விருந்தினராகக் கலந்து கொள்ள ஜென் மதத் துறவி ஒருவர் வந்திருந்தார். அந்த விழாவில் ஓவியப் போட்டி, கட்டுரைப் போட்டி, பேச்சுப் போட்டி, சிறுகதைப் போட்டி, கவிதைப் போட்டி எனப் பல போட்டிகள் நடைபெற்றன. இறுதியில் பரிசுக்கு உரியவரைத் தேர்வு செய்யும் நேரம் வந்தது. அப்போது அந்த ஜென் துறவி ஒவ்வொரு போட்டியிலும் கலந்து கொண்ட அனைவரையுமே வெற்றியாளர்களாக அறிவித்தார். 

இதைக் கேட்டவுடன் ‘தான் கவிதைப் போட்டியில் முதல் பரிசு பெறுவோம்’ என்று எதிர்பார்த்துக் காத்திருந்த ஒரு மாணவன் பெருத்த ஏமாற்றம் அடைந்தான். அத்துறவியைப் பார்த்து கேட்டான். ‘ஐயா… யாரும் தோல்வி அடைந்து சோர்ந்து விடக்கூடாது என்று தாங்கள் எண்ணுவது சரிதான். ஆனால், என்னைப் போல கடினமாக உழைத்த சிலருக்கு மரியாதை தரும் சிறப்புப் பரிசுகள் கிடைக்காதது மன வருத்தம் தருகிறதே… இதை ஏன் தாங்கள் உணரவில்லை?’ என்றான். 

அதற்கு அத்துறவி சொன்னார்; ‘ஒவ்வொரு மாணவனது படைப்பும் ஒரு விதத்தில் மாறுதலானதுதான்.  ஒரு மாணவனின் படைப்பாற்றல் திறனை, இன்னொரு மாணவனது படைப்பாற்றல் திறனோடு ஒப்பிடுவது தான் சரியாகாது. சென்ற ஆண்டைக் காட்டிலும் நீ இந்த ஆண்டு சிறப்பாகச் செய்திருந்தால் அதுதான் உண்மையான வெற்றி’ என்றார். 

ஆம் நண்பர்களே! இது வெறும் கதையல்ல… செலவுகளைக் குறைக்க விரும்புவோருக்கு இந்தப் பாடம் நிச்சயம் பொருந்தும். உங்கள் நிறுவனத்தின் செலவுகளை பிற நிறுவனங்களோடு ஒப்பிட்டுப் பார்ப்பதைவிட, உங்கள் நிறுவனத்தின் சென்ற ஆண்டு செலவுகளோடு ஒப்பிடுவதே மேல். சென்ற ஆண்டைக் காட்டிலும் செலவுகள் குறைந்து இருந்தால் அது பாராட்டுக்குரியதே. 

 செலவுகளை அலசி ஆராய்ந்தால் பணம் மிச்சமாகும். 

செலவுகளை அலசி ஆராய்தல் மூன்று மாதத்துக்கு ஒருமுறை மேற்கொள்ளப்பட வேண்டும். பொதுவாக வாடகை, சம்பளம், வட்டி, சப்ளையர் பில்கள் போன்ற பெரும்பாலான செலவுகள் மாதத்திற்கு ஒரு முறைதான் கொடுக்கப்படும் என்பதால் மூன்று மாதங்களுக்கு ஒரு முறை இந்த ஆய்வினை மேற்கொண்டால் போதும்! 

செலவுக் கணக்குகளை ஆராயும்போது எதையெல்லாம் கவனத்தில் கொள்ள வேண்டும்…? 

  • நிர்வாகம், விற்பனை, உற்பத்தி, மனிதவளம் எனப் பல துறைகள் உங்கள் நிறுவனத்தில் இருக்கலாம். இவற்றின் பொறுப்பாளர்களை அழைத்து மொத்த செலவில் 10 விழுக்காட்டிற்கும் மேல் செலவான பொருட்கள் குறித்து விவாதியுங்கள். 
  • அதிகமான செலவுகள் ஏற்படும் இடங்களில் அதற்கு மாற்றுப் பொருட்கள் குறித்து சிந்தியுங்கள். 
  • ஒவ்வொரு துறையின் பொறுப்பாளரும் அந்தந்த துறை மேற்கொள்ளும் செலவுகளின் தேவையை உணர்ந்து இருக்கிறார்களா என்பதை கவனியுங்கள். 
  • தொடர்ந்து நடந்து வரும் சில செலவுகளை மாற்றி அமைத்தால் அதன் மூலம் பணம் மிச்சம் ஆகலாம். சான்றாக ஒரு பொருளை நாமே தயாரிப்பதை விட ஒப்பந்த அடிப்படையில் வெளியில் தயாரிக்கக் கொடுத்தால் ஒருவேளை செலவு குறையலாம். இதற்கு நேர்மாறாக வெளியில் தயாரித்து வரும் சில பொருட்களை நம் நிறுவனத்திலேயே தயாரிக்கத் தொடங்கினால் அதன் மூலம் கூட செலவுகள் குறையலாம். 

செலவுகளை நன்கு ஆராய்ந்த பிறகு ஒவ்வொரு மாதமும் முன்கூட்டியே அதற்கு அடுத்த மாதம் ஏற்படவிருக்கும் செலவு குறித்து ஒரு பட்ஜெட்டை உருவாக்கி, துறை பொறுப்பாளர்கள் வசம் கொடுத்து விட வேண்டும். அந்த செலவைவிட அவர்கள் குறைவாகச் செலவழித்தால் அவர்களுக்கு ஊக்கத்தொகை வழங்கலாம். 

ஆண்டுக்கு ஒருமுறை நிகழும் செலவுகளான இதழ்களுக்கு சந்தா செலுத்துதல்,  ரிசார்ட்களுக்கு பராமரிப்பு செலவுகளை செலுத்துதல், வாடகை ஒப்பந்தத்தை புதுப்பித்தல், ஊழியர்களின் சம்பளத்தை உயர்த்துதல் போன்ற முடிவுகளை கவனமாக மேற்கொள்ள வேண்டும். இவை தேவையின் அடிப்படையில் மட்டுமே இருக்கலாம். 

பெரும்பாலும் தொழில் முனைவோர் பொருள் மற்றும் சேவை வரி (GST), டி.டி.எஸ் (Tax Deducatd at Source) எனப்படும் வரி பிடிப்பிலும் மிகவும் கவனமாக இருக்க வேண்டும். சில நேரங்களில் அவசரத்தின் காரணமாக இவற்றில் தவறுகள் நேர்ந்துவிடும். பல நேரங்களில் வாடிக்கையாளர்கள் இவற்றை தள்ளுபடியாக வழங்கச் சொல்வார்கள். இதனால் இறுதியில் நிறுவனத்தின் லாபம் தான் பாதிக்கப்படும். எனவே வரிகள் விஷயத்தில் கவனம் தேவை. 

மேலும் கால தாமதத்தினால் அபராதத் தொகை வசூலிக்கப்படும். செலவுகளான மின் கட்டணம், வரி,  வட்டி, காப்பீட்டுத் தொகை உள்ளிட்டவற்றை உரிய நேரத்தில் செலுத்தி தேவையற்ற அபதாரத்தைத் தவிர்ப்பது மிக முக்கியம். 

                                                     ——–  இராம்குமார் சிங்காரம், Tamil motivational speaker

 

பணியாளர் உதவியும் முக்கியம் | Staff assistance is also important
Tamil Business coach
  • June 8, 2022

செலவுகளைக் கட்டுப்படுத்த வெளியாட்களிடம் ஆலோசனை கேட்பதை விட, அத்தொழிலில் இருக்கும் சீனியர்களின், Read More

மாற்று வழிகளைக் கவனியுங்கள் | Consider alternative ways
tamil motivational speaker
  • June 2, 2022

ஒரு சிறுவன், தன் தாய் மீன் வறுப்பதை ஆர்வத்துடன் பார்த்துக் கொண்டிருந்தான். முதலில் மீனின் தலைப் பகுதியை வெட்டிய தாய், Read More

திட்டமிட்டுச் செலவிடுங்கள் | Plan and spend
motivational speaker in tamil
  • May 26, 2022
  • 1 Comment

விவசாய நிலத்தின் நடுவில் ஒரு பாறை இருந்தது. நிலத்தை உழுவதற்கு அந்தப் பாறை மிகவும் இடையூறாக இருந்தது.

Read More

முழுமையாகப் பயன்படுத்துங்கள் | Use fully
motivational speaker in tamil
  • May 19, 2022

ஒரு பணக்கார அமெரிக்கர், இந்தியாவைச் சுற்றிப் பார்க்க வந்தார். இந்தியா பரந்து விரிந்த நாடு என்பதால் தமது விலையுயர்ந்த Read More