Ram Kumar is that helping hand, that catalyst which works in stimulating your personal and professional growth. He has dedicated his life for sharing his knowledge and in supporting his fellow community members to achieve their personal and professional goals, whether it is their entrepreneurial development, leadership building or overall personality development.
Recent Media Appearances & Blogs
His recent tv stints & motivational articles
- April 4, 2026
எவரையும் குறைவாக எடை போட வேண்டாம் ! Don’t underestimate anyone!
அமெரிக்காவில் 1997 ஆம் ஆண்டு நிகழ்ந்த உண்மைச் சம்பவம் இது.
பிளாக் பஸ்டர் (BLOCK BUSTER) என்ற – வீடியோ கேசட்டை வாடகைக்கு விடும் நிறுவனம், மிகப் பிரபலமாக இருந்தது. அமெரிக்கா முழுவதும் 9 ஆயிரம் கடைகளை அந்நிறுவனம் நடத்தி வந்தது. அதனுடைய அப்போதைய விற்பனை வருவாய், ஆண்டுக்கு சுமார் 50,000 கோடி ரூபாய் ஆகும்.
அந்தச் சமயத்தில், வீடியோ கேசட்களுக்கு மாற்றாக, டி.வி.டி., (DVD) பிரபலமடையத் தொடங்கியிருந்தது. ஹேஸ்டிங்ஸ் (HASTINGS) என்பவரும், ரேன்டோல்ப் (RANDOLPH) என்பவரும் இணைந்து நெட்ஃப்ளிக்ஸ் (NETFLIX) என்ற நிறுவனத்தைத் தொடங்கி, திரைப்படங்களை வீடியோ கேசட்டிற்கு மாற்றாக டி.வி.டி.யில் பதிவேற்றி, அவற்றை வீடுகளுக்கு கூரியர் மூலம் அனுப்பும் சேவையைத் தொடங்கினர். பிறகு திரைப்படங்களை ஆன்லைனிலேயே பதிவேற்றி, இருந்த இடத்திலிருந்தே பார்க்கும் தொழில்நுட்பத்தையும் உருவாக்கினர்.
இவை நல்ல வரவேற்பைப் பெற்றாலும் கூட, போதுமான வருவாயை ஈட்டித் தரவில்லை. நெட்ஃப்ளிக்ஸ் தொடர்ந்து மூன்று ஆண்டுகள் நஷ்டத்திலேயே இயங்கி வந்தது.
இவர்கள் இருவரும் பிளாக் பஸ்டர் நிறுவனத்தின் தலைமை செயல் அதிகாரியான ஜான் ஆண்டியோகோ (JOHN ANTIOCO) வைச் சந்தித்து, தங்களது நிறுவனத்தில் 400 கோடி ரூபாயை முதலீடு செய்யுமாறு வேண்டுகோள் விடுத்தனர். பிளாக் பஸ்டர் நிறுவனம் அந்தத் தொகையை முதலீடு செய்தால், தங்கள் நிறுவனத்தின் வருமானத்தை பன்மடங்கு உயத்தி, லாபத்தை ஈட்டித் தருவதாகவும் உத்திரவாதம் கொடுத்தனர். ஆனால், ஜான் ஆண்டியோகோவோ அவர்களைப் பொருட்படுத்தவே இல்லை.
பிற்பாடு வீடியோ கேசட்டுகளின் சந்தை வீழ்ச்சி அடைந்தது. பிளாக் பஸ்டர் நிறுவனத்தால் நல்ல ஆன்லைன் தளத்தை உருவாக்க இயலவில்லை. எனவே, 2008 ஆம் ஆண்டு நொடிந்து போய் மூடப்பட்டது.
ஆனால் இன்றைக்கோ, நெட்ஃப்ளிக்ஸ் நிறுவனம், இந்தத் துறையில் உலகின் நம்பர் ஒன் இடத்தை அடைந்து விட்டது. இந்நிறுவனத்தின் சென்ற ஆண்டு வருவாய் 3,00,000 கோடி ரூபாய் ஆகும். அதாவது பிளாக் பஸ்டர் நிறுவனம் 1997 இல் ஈட்டிய வருவாயை விட, ஆறு மடங்கு அதிகமாக சென்ற ஆண்டு நெட்ஃப்ளிக்ஸ் வருவாயைச் சம்பாதித்து இருக்கிறது.
இதிலிருந்து நாம் புரிந்து கொள்ள வேண்டிய சக்சஸ் சீக்ரெட் என்னவென்றால், நம்மை நாடி ஒருவர் வரும் போது, அவர் வெற்றி பெறவில்லை என்கிற ஒரே காரணத்திற்காக, அவரைக் குறைத்து மதிப்பிட்டு விடக் கூடாது என்பதுதான்.
– இராம்குமார் சிங்காரம், Tamil motivational speaker in chennai
- March 22, 2026
சேமிப்பை எங்கிருந்து தொடங்குவது ! (பகுதி இரண்டு) | Where to start savings ( Part 2)
சென்ற இதழில், சேமிக்க விரும்புபவர்கள், முதலில் ஹெல்த் இன்சூரன்ஸ், டேர்ம் இன்சூரன்ஸ், லைஃப் இன்சூரன்ஸ், மியூச்சுவல் ஃபண்ட், கோல்ட் ஆகியவற்றில் சேமிக்கத் தொடங்கலாம் என்று பார்த்தோம். அவை தவிர வேறு என்னென்ன முதலீடுகள் உள்ளன என்பதை இந்த இதழில் பார்ப்போம். Read More
- March 13, 2026
சேமிப்பை எங்கிருந்து தொடங்குவது ! (பகுதி ஒன்று) | Where to start saving? (Part-1)
சேமிக்க விரும்புபவர்கள் கீழ்க்காணும் ஆர்டரில் சேமிக்கத் தொடங்கலாம்.
ஹெல்த் இன்சூரன்ஸ் :
உடல் நலக் குறைவாலோ /விபத்தாலோ திடீரென மருத்துவமனையில் சிகிச்சை மேற்கொள்ள நேரிட்டால், பணத் தேவையைச் சமாளிப்பதற்கு உதவும் காப்பீடு இது. Read More
